Մրցույթ
Երևանի քաղաքապետարանի մրցույթը՝ Աջափնյակի քաղաքաշինական հայեցակարգի համար
- հունվար 13 || 2026
Հարգելի գործընկերներ,
Երևանի քաղաքապետարանը (Yerevan Municipality) հայտարարում է երկու փուլով մրցույթի նախաորակավորման ընթացակարգ՝ Աջափնյակ վարչական շրջանում քաղաքաշինական ներդրումային ծրագրի հայեցակարգի մշակման խորհրդատվական ծառայությունների ձեռքբերման նպատակով։
Ծրագրի շրջանակում նախատեսվում է մշակել մետրոյի նոր կայարանի հարակից տարածքի քաղաքաշինական զարգացման հայեցակարգ՝ ներառյալ քաղաքաշինական պլանավորման, հանրային տարածքների կազմակերպման, շարժունակության և մատչելիության լուծումները, ինչպես նաև ծրագրի տնտեսական իրագործելիության գնահատումը։
Ծրագիրն իրականացվում է Երևանի կառուցապատման ներդրումային ԾԻԳ-ի կողմից։
Նախաորակավորման ընթացակարգին կարող են մասնակցել համապատասխան մասնագիտական փորձ ունեցող տեղական և միջազգային կազմակերպություններ, ինչպես նաև կոնսորցիումներ։
Նախաորակավորման հայտերի ներկայացման վերջնաժամկետը՝ 2026 թվականի հունվարի 30-ը, ժամը 11:00-ը։
Հայտերը ներկայացվում են էլեկտրոնային կամ փաստաթղթային ձևով՝ սահմանված կարգով։
Մանրամասները՝ https://www.yerevan.am/hy/custom/ek-emkhtsdzb-25-1/
Այլ նորություններ
ԲոլորըՄիջազգային ճարտարապետական մրցույթ Տյումենում՝ «Взгляд в будущее — 2027»
Ռուսաստանի Դաշնության Տյումեն քաղաքից ստացվել է միջազգային ճարտարապետական մրցույթի հրավեր, որին մասնակցել կարող են ճարտարապետներ, դիզայներներ, ուսանողներ, նախագծային կազմակերպություններ։ Ստորև ներկայացնում ենք մրցույթի ազդագիրը բնագրով, որտեղ ներկայացված հղումով հասանելի է ․․․
կարդալ ավելին >>ԿԳՄՍ նախարարության մրցույթի հայտարարությունը
Ի գիտություն մրցույթին մասնակցելու ցանկություն ունեցող ճարտարապետներին։ Լրացուցիչ հարցերի դեպքում դիմել մրցույթի կազմակերպչին։ https://escs.gov.am/articles/announcements/610
կարդալ ավելին >>ԵՐԻՏԱՍԱՐԴ ՃԱՐՏԱՐԱՊԵՏՆԵՐԻ ՀԱՄԱԺՈՂՈՎ
Տարեկան համաժողով՝ երիտասարդ մասնագետների նախագծերի ներկայացմամբ և քննարկումներով:
կարդալ ավելին >>


